Michael Smith would be a household name up there with Bob Marley if he had not have been murdered. He talked up at a political meeting in Jamaica and they murdered him.
His one album is amazing. It has some of the best reggae, best poems and best lyrics all done with an amazing voice.
Such a shame! Enjoy the poem!
Mi Cyaan Believe It
Mi seh mi cyaan believe it
mi seh mi cyaan believe it
room dem a rent
mi apply widin
but as me go in
cockroach rat an scorpion also come in
waan good
nose haffi run
but me naw sideung pan igh wall
like Humpty Dumpty
mi a face me reality
one lickle bwoy come blow im orn
an mi look pan im wid scorn
an mi realize ow me five bwoy pickney
was a victim of de tricks
dem call partisan pally-trix
an mi ban mi belly
an mi bawl
an mi ban mi belly
an mi bawl
Lawd
mi cyaan believe it
mi seh mi cyaan believe it
what a night what a plight
an we cyaan get a bite
mi life is a stiff fight
an mi cyaan believe it
mi seh mi cyaan believe it
sitting on de corner wid me fren
talkin about tings an time
me hear one voice seh
“Who dat?”
mi seh “A who dat?
A who dat a seh who dat
when mi a seh who dat?”
When yuh teck a stock
dem lick we dung flat
teet start fly
and big man start cry
an mi cyaan believe it
mi seh mi cyaan believe it
do odder day me pass one yard
pan de hill
when me teck a stock
me hear “Hey bwoy!”
“Yes, Mam?” “Hey bwoy!”
“Yes, Mam?” “You clean up de dawg shit?”
“Yes, Mam”
an mi cyaan believe it
mi seh mi cyaan believe it
Doris a modder of four
get a wul as a domestic
boss man move in
an bap si kaisico she pregnant again
bap si kaisico she pregnant again
an mi cyaan believe it
dah yard de odder night
when mi hear “Fire!”
“Fire, to plate claat!”
Who dead? You dead?
Who dead? Me dead?
Who dead? Harry dead?
Who dead? Eleven dead
wooeeeeeee
Orange Street fire de pan me head
an mi cyaan believe it
mi seh mi cyaan believe it
Lawd, mi see some black bud
livin inna one buildin
but no rent no pay
so dem cyaan stay
Lawd, de oppress an de dispossess
cyaan get no res
what nex?
Teck a trip from Kingston
to Jamaica
Teck twelve from a dozen
an mi see mi muma in heaven
MAD OUSE! MA OUSE!
mi seh mi cyaan believe it
mi seh mi cyaan believe it
yuh believe it?
how yuh fi believe it
when yuh laugh
yuh blind yuh eye to it?
But mi know yuh believe it
mi know yuh believe it
Thank you.
One of my favourite poem from my favourite poet
Mine too!
I have been looking for this album for at least 20 years. My father had it when I was a boy and I haven’t seen it anywhere since. I found the album on YouTube, but nothing for sale.
I cyaant believe no one has it.
I was lucky to get a copy many moons ago! Fabulous album. I can’t believe it has not been released on CD or repressed. One of the best!!